المنزل صامت ، والهدوء يضفي على الغرفة لمسة جمالية من نوع خاص جدا
يرن الهاتف، وبنشاط أضغط زر الإجابة من الجهاز الرئيسي دون رفع السماعة
المتصل : ألو .. السلام عليكم معاكم ديوان فلانة الفلاني
أنا :وعليكم السلام
المتصل : معاكم ديوان فلانة الفلاني
.. تفتح أذانيها عدل .. ترفع السماعة ويتسكر السبيكر عشان تسمع عدل ..
أنا : ألو
المتصل ونبرتها مترددة : معاكم ديوان فلانة الفلاني
أنا : إي يا هلا
المتصل : حياكم الله في ديواننا مفتوح يوميا
أنا : الله يحييك
المتصل : الديوان مفتوح طول أيام الإسبوع وموجود مكان مخصص للنساء ومكان مخصص للرجال ، والأثنين مفصولين عن بعض
... يعني مخصص بيكون اختلاط مثلا ..
أنا : أها ،خير ان شاء الله
.. لسان حالي لنفسي .. تكفين لا تستعبطين
المتصل: أعطيج العنوان
أنا : إي والله
... مهتمة جدا...
المتصل : المنطقة
انا : اي
المتصل : قطعة هكذا
أنا : إي وكأني أكتب
المتصل : شارع كذا منزل هكذا
أنا : اها .. حسنا
المتصل : تنهي المكالمة
أنا أشجعها : قواكم الله
.
.
.
intrested كنت
14 comments:
LOL ..
ليش ليش دوانية
!
المسمى هذا له خصوصية رجالية بحتة
:P
تسميه مقر انتخابي
مثلا
؟
مليون تعش اسم و اسم
يا حليلها والله عجبة
@@
كلش ما حبيت الفكرة
بس لو انها سألتج شنو العنوان اللي كتبتيه جان صار فلم
:P
لووووووول
انتي زين تلفون مسكينه عمتي داين عليها ثلاث حرييم البيت و قايليلها تعالي الديوان
امبي تره ينوو الناس لول
salamz dear...
اي مافيها شي , اسم ديوانية مافيه شي و ياما صارت و بتصير
بس هالشي يديد بالكويت ;)
أقول شنو اللي "فيها شي" ؟ سالفة ان الديوانية مختلطة , والا ياما الحريم افتحولهم دواوين
شدوا حيلكم 17 ابريل بتشوفون تلفونات اكثر
نفس الموقف اللي صارلي
ونفس ردة فعلي بالضبط :)
واحد يسولفلي
بإنتخابات 2006
رن التلفون وقال المتصل معاك ديوان فلان الفلاني
صاحبي قال للمتصل: الزبدة جم تدفعون واعطيكم صوتي؟
وانقطع الاتصال (:
يالله قاموا يعزمونكم على دواوين بعد
مع احترامي الكامل للمرأة
ولكن ان سمحت نفسها للدخول للدوانية اللى يقعد فيها الرجال ويلعبون فيها كوت و هند وسهارية للفجر
شبقي
بس اذا كان مقر
او مركز
فهذا ما فيه مانع
loool 9eej ra7wa 7areem awal!!! a5er shay e7na bel byt wa 7areemna bel dewaween ! ma eftakayna min chay el tha7a :P
اي والله راحوا حريم أول
a7La eNG
أهلين
بخصوص المقر الانتخابي
تسميته مقر انتخابي أقرب لهدف الانتخابات
لكن شنو تسوين لما يكونون اللي جدامج يبون كل ماهو خاص بالرجل أن يكون لهن
!!
العنوان
بحزتها كنت راح أضحك لأني بايعتها
:)
:::::::::
5roofa
بعد بعد يدورون البيت
لا عيل حزتها بتطق جرس لين تتعب ومحد بيرد عليها
;)
ray
أهلين ري
سالفة دوانية مختلطة غلط ومما لا نزاع فيه
لكن
دوانية نسائية؟
ليش ؟ هل قلت الأسامي
والدوانية شيء دوري للتجمع فيه
وأعتقد مما يميز النساء كونها مرأة هو عدم تفرغها لمثل هذه المضيعة
وهناك أمور أهم يفترض أنها تجابلهم
:::::::::
ميرامار
إذا يدقون عالبيت مو مشكلة
لكن اذا يدقون عالموبايل خلهم يدقون من موبايل عن الخساير
:P
Najmah
يا محاسن الصدف
أساليبهم وطرق تفكيرهم تجعلنا نتصرف هكذا
:::::::
يعقووبوو
زين يسوي فيه
أتوقع يحرمون يتصلون
Mishari
مابقى شي
الانتخابات اللي طافت دخلت فيها المرأة بكامل اعترافها الدوانية وقبل ذلك كانت هناك
وزادت باعتقادي
يبقى للرجل مكانه وللمرأة مكانها
ولكل خصائصه
متى ما تنازل عن احداها
فقد مكانته
مشاري يا أخي الفاضل
كل ما علينا نسويه
بنفسنا وبأهلنا
::::::::
loco
اي صحيح هذا حنا حريم مو مفتكين من دواوين الرجال
هالمرة بعد حريم يروحون
إلا أقول
راح تصوت ولا ماراح تصوت ؟
Tênis e Sapato
hello too
أشكرك يا أخينا على تملقك
ووعد عندما أتعلم لغات أزورك
:::::
Barrak
البركة بالبقية
سعدت لزيارتك
Post a Comment