هيبة ملك، وسلام

يعجبني الجرافيك مالهم
تعجبني طريقة عملهم
تعجبني كل ما حطوا يوم لشيء ما له تاريخ أنك بمجرد

الضغط ينقلك إلى لنك خاص بالمعلومة هذي
so
Happy Earth Day

:D

أتمنى يكون هناك تقييم أكثر للأرض التي نعيش عليها

وللدولة اللي نعيش على أرضها

وتقل معدلات رمي الكلنكسات والبطول على الأرض

يعني ترى إذا قطيته على الأرض ماراح يختفي.. راح يظل عالأرض

" اليوم شفت هالمنظر كان ودي أطق هرن للي جدامي ولكن ترددت وماطقيت رغم انهم كانوا سايق مع اليهال يايبهم من المدرسة !"

:\

next time ensha2lla

.

.

.

هالاسبوع كان مو طبيعي

بالذهاب للعرس مع يدتي، اللي كنت قاعدة بعيد عنها ولذلك فشلت خطة يدتي بالخطبة

:P

بطريق الذهاب وعند الفندق انصعقت بالزحمة

توقفنا بانتظار الطابور المؤدي للمدخل الرئيسي

فإذا بالسيارة التي بجانبي يفتح صاحبها الباب رغم ان المسافة شبرين

ويكفخ بسيارتي

طلعت عيوني @@

رد الباب ومرة أخرى فتحه وطق بسيارتي مرة أخرى

هني ماقدرت أستحمل شالغباء ، يكفي مستحملة سياقته من مسافة لابأس بها

أنزلت النافذة ، " عمي الله يهدااااك شوي شوي "

صرخ وإلتفت للخلف ولا أعلم ماذا قال، راح جدام سيارتي

أنا طلعت عيوني @@

يدتي شوي وتطلع من الدريشة ، ما تعبر مسيكينة تبي تزفه ، بعد الكفخة صارت صوبها

جان يصرخ اهو مادري من يكلم

ويروح جدااام سيارتي ويطل على الليتات، ويحورف بالريموت مال سيارته مأشرا على سيارتي

يدتي تزف ، وأنا مشرعة عيوني وأذوني وفجأة يرفع تلفونه ويصرخ

" لا ماكوو شيييي بس توني متهاااوش وخلصت الهووشة "

أنا بلعت العافية ، وقلت حق يدتي يمه يمه شوي وسكرت النوافذ وقفلت البيبان

مجرد وخر عن أمام سيارتي،، مشيييت مبتعدة قدر الامكان عنه

وأنا ماني مصدقة اللي صار

بسرعة بسرعة أحاول أنسى اللي صار عشان أدش مود العرس

:)

الساعة وحدة ونص تدق أمي

ترى بتنامين ببيت يدتج، احنا مافكرنا شلون بتردين بروحج

يمه..!

سكرت التلفون ودزيت مسج

" يمه ما ودي أنام ببيت يدتي"

:"(

ردت

" نامي وتعالي الصبح"

ولأن صعب أنام بمكان غير مكاني وغير مستعدة

وجدت بسيارتي حذاء فلات فلذلك لم أضطر أن البس الكعب ذهابا وايابا

خذيت دراعة من دراريع يدتي اللي مو لابستهم من قبل

خذيت منها كنبل وفوطة فرشتها على كوشية الغنفة

وقعدت من الساعة 2 إلى 4 أتنقل بين قنوات التلفاز

بغرفة كاملة المواصفات .. تلفاز .. مكيف بارد .. ثلاجة وكل مابها من بلعة

ولكن مو يايني نوم

عالاربع حد الهلكان، نمت

ولان مو مكاني ، فأنا قمت مبكرا عن المتوقع

وكنت مكتئبة

حسيت بالغربة

شعور مو حلوو

.

.

.

الاسبوع كان حافل

كنت أحد البنات اللي شهدوا وقوع حادث سيارة

ولأن فيها بنات، نزلنا بنص الشارع ما بين تجمع الشباب البايخ اللي واقف بس يتفرج

وسترنا البنات وحاولنا اسعافهم

والحمدلله

ما صحيت من الصدمة الا بعدها بيوم

.

.

كنت أحاول أبعد الشباب عن البنات

" هذيل خواتكم وخروا ستروا عليهم لا توقفون"

فإذا بقليل عقل يرد : " أنتي سكتي شعليج انتي متسترة "

سكتت كنت ببجي

يكفي أني قاعدة أشوف أمامي بنات أعرفهم بنص حادث

الدكتور وكان أحد المارين بالشارع رد عليه واكتفيت بالرد

...

تفاهة ولا أعلم إلى متى هالتفاهة

تفرج على غير سنع

وقفة على غير معنى

أنا والبنات كنا نحوس نسعف، نحاول

واهم كالحوائط، مو كلهم لكن أغلبهم

والله يجزاهم خير اللي وقفوا وأسعفوا ، وفتحوا الباب المكسور

الحمدلله

المعنى من هالكلام ..

أفكر جديا أروح الهلال الأحمر وأخذ دورة فيرست ايد

ولا أتردد أني أنزل في مثل هالمواقف

لأن مافيها فشلة

واحنا كنا خايفين من الفشلة

لكن الوضع صار دموع عقب ما وصلنا

.

.

.

.

.

.

عندي شغل وايد كالعادة

:)

لكن المود هالمرة غير

حبيت تشاركوني فيه

.

لأن لطلتك هيبة كما هيبة ملك ..

انا في حضرتك لا أملك الا أرتبك ..

وكل ما تقترب ألهث ..

كأني قد قطعت اميال .

.ولى ناظرتني أهدأ

,, و حالي يستقر بالحال ..

حضورك سيدي طاغي وهو يطغى علي ..

وانا من هولة الموقف خطر يغمى علي .

.تعزفني بهمسات وكلام أعذب من الأنغام

وتاخذني من الواقع الى آخر مدى الأحلام

تودعني وتتركني وانا في حالة ذهول

وتهرب صورتك مني مع الطيف العجول

واستنجد بأوصافك وأفشل غالب الأحيان

تخيل .. اني ما اذكر عيونك ايش من الألوان

هيبة ملك

سلام