أدخلت الشريط بتلك السيارة من الطراز الغير حديث

فهي لازالت تستخدم الأشرطة وتمررها بفم ذلك المسطح

أدخلت الشريط فإذا بذاك يترنم.. تذكرت تلك الأيام وتلك اللحظة، تذكرت تمائل رأسيهما طربا، وضحكتهما معا على هذه اللحظة وتلك الحكاية في حين تغريد هذا الصوت الشجي ،تذكرت قبل يومين حينما اجمعت بصحبة قديمة نقبت لها عن جرح غائر ، جرح قد تناسته منذ زمن ، وجرح قد حاولت مرارا مداواته ثم لجأءت للحل الأخير وهو نسيانه بصعوبة..

تسألها في حين الإجتماع : شلوووووون قدرتي؟

كل ما تحدثنا معا يأتي بطاري لك، يتعبر ، في كلامه حب

أنت ليش تركتي

معقولة بهالبساطة نسيتي

كل ذكرياتكم تمر

.

.

استأذنت بأن لهذه الحكاية وقت أطول تستغرقه حتى أشرح

ووقتي اليوم لدراستي

امتحاني بعد ساعات قليلة

ومنها أنه أحيانا كثيرة ليس كل شيء يشرح وليس كل ما يشرح يفهم

واستنتاجات الناس مختلفة طبقا لرؤياهم واقتناعاتهم الشخصية

مع السلامة صديقتي .. كان افطارا شهيا

..

حوار راق ..

إلتقيا مصادفة على أحد الكراسي في جانب الشارع اللامع من بقايا مطر الظهيرة
تأتي مقتربة من الكرسي وتسترجع خلال ثواني أجمل صداقة مرت على حياتها
هي : مساء الخير
هو: مساء الحب

ولحظة صمت تنطوي على الأثنين

هي : فلااان ..؟
هو: آمري

هي: ولاشي
هو: أي شي صح
هي: أي شي صح
هو: إي صح .. كل اللي تقولينه صح
هي: صح صح
هو: انزين بس شنو؟
هي : شنو شنو
هو : شفيج
هي : مافيني شي
هي : امبلى .. تدريييييييين يا فلانة
الحب مو عيب
ولما نقول حبينا من قبل مو عيب
العيب بأفكار الناس
مو كلمن حب .. كانت طريقته غلط
هي : ياليت قومي يعلمون

هو : ومو كل حب ما اكتمل او افترق فيه قلبين معناته غلط
فلانة الدنيا كبيرة والحب صعب
اذا دشيتي فيه صعب تطلعين
واذا ما جربتيه .. راح تجربينه بقوة
عشان جذيه من اولها لا تدخلين
هي : الحب ما يستأذن

هو: فلانة مو كل قلب فز لي عرفته
بس يا فلانة الحب ما يستأذن بس قلوبنا تقدر تستأذن .. تبقى لسعة حب صغيرة
اسمها اعجاب قبل لا تنضج وتصير حب وعذاب
هي: صح

هو: يعني اذا استأذنت قلوبنا .. يبقى فيها حكوكة اعجاب لكن اذا ما استأذنت يبقى فيها حب العذاب
هي: آآآخخخخخ

هو:ويا فلانة مو كل فزة تكون بمحلها
يمكن يفز وايد.. بس على كثرة فزاته ما يوصل
ومرات يفز قلب غيرج لج وقلبج ما بغاهم
فلانة تدرييييييين
لما ترفضين بعقلج .. يتم قلبج يحن عليج
يحن يحن يحن
مثل الياهل
مثل البنت
ولما تعطينه اللي يبي .. يطخ
يفهم
يرفض .. القلب يرفض
رفض القلب اقوى من العقل
لان بعد رفض القلب مافيه تفكير
هي: صح

هو: لكن بعد رفض العقل يبقى شوي مشاعر ماتدري وين طريجها
لما يرفض العقل يظل القلب يفرفر من يشوفه
ولما يرفض القلب .. يصير جامد.. ويشوف غيره
اليوم عرفت الفرق بين لما أرفض بقلبي أو أرفض بعقلي
هي : أكتب بوست..!
هو : فيني بوست
هي: حدك
هو : أفكر بالموضوع، ولا أقول المهمة عليج
.
هي : ابي قلبي يفز شلوون
هو: ما يفز بروحه
يفز لما يشوفه
.
هي : ليش كل الناس تفز قلوبها وانا لا
هو : لا .. لا تبينه يفز .. لا تخلينه يفز .. لا تحاولين فيه .. راح تكونين قوية بحبج .. وانتي تبينه بس يفز حق شخص صح
يمكن لان مستواج نادر وجوده.. اللي تطمحين له كبير
واللي داير مدايرج ما يرضون شموخج

هو: ترى ناطر البوست .. نشوفج بالكويت

أسقيني حب أو أسقيني فرقا
أن صبرت الشقى أو هجرت أشقى
العمر يمضي .. والجروح تبقى
أختر الحل الصعب .. يا تفارق يا تحب
لاتحدد لي مراحل
ياتجيني حب ياتودعني راحل
هذي وردة للهوى وهذي جروحك
عطني روحي سيدي أو خذها روحك
وش بقى ضاعت سنيني
يابعد قلبي وعيني
لا تردد في غرامي
أبتسامي دمع وسكوتي كلامي
أفتح أيدينك لشمسي ولهبوبي
وكحل عيونك بدمعي وبشحوبي
وأعشق الهم اللي فيني
هذا أن كانك تبيني

الحل الصعب